«Рухани жаңғыру» бағдарламасы негізінде қазақ тілін біртіндеп латын әліпбиіне көшіру жұмыстарын түсіндіру мақсатында «М.Есламғалиұлы атындағы Сырым аудандық орталықтандырылған кітапхана жүйесі» мемлекеттік мекемесі бойынша шаралар оздырылды.
Мемлекет басшысының «Болашаққа бағдар: Рухани жаңғыру» бағдарламалық мақаласында баяндалған негізгі жобалардың бірі – қазақ тілін біртіндеп латын әліпбиіне көшіру жұмыстары. Осы орайда латын графикасына негізделген қазақ тілінің әліпбиін таныстыру, жаңа әліпбиді талқылау, түсінік жұмыстарын жүргізу мақсатында 2017 жылдың 2 қараша күні жүйеге қарасты барлық кітапханада көпшілік оқырман тобының қатысуымен дөңгелек үстелдер оздырылды.
Күн тәртібіндегі мәселе бойынша шараға қатысушы оқырмандар: «Латын әліпбиіне көшу – біздің және келер ұрпақтың әлемдік ақпаратқа қолжетімділігін арттырады, себебі латын әліпбиі әлемде кең қолданылады. Әлем елдерінің 70 пайызы латын әліпбиін қолданып, жетістікке жетіп жатыр. Тәуелсіз еліміздің болашағын, өсіп-өркендеуін, қазақ тілінің тазалығын сақтауды, дамуын ойлайтын әрбір азамат латын әліпбиіне көшуді қолдап, осы бағытта жұмыстанады» - деген ой-пікірлерін айтты.